Mobilbruk  – har det gått for langt? 

Barn og mobilbruk

Er tidleg mobilbruk først og fremst praktisk for vaksne? Diskusjonane går friskt for tida. I media kan vi både få med oss utfordringane og fordelane med at barn stadig tidlegare brukar mobil. Det kan vere vanskeleg å gjere seg opp ei meining og navigere i råda. I tillegg dukkar det stadig opp noko nytt. Veit du til dømes korleis «Omegle» fungerer? Svaret finn du lenger ned.  

Ta praten eller spel om det!

Korleis kan vi ta praten om risikoane, utan for stor peikefinger? Medietilsynet har rettleiingar, samtaleverktøy og familiespel om korleis du kan og bør involvere deg i starten og etter kvart som barna veks til. Her kan du lære om dei ulike media som dei fleste barn og unge brukar i dag, og få konkrete råd om kva ein må ha med seg av digital dømmekraft: Barn og medier (medietilsynet.no).
«Stjernekolonien» er til dømes eit digitalt familiespel (medietilsynet.no) om livet på nett for familiar med barn mellom 6 og 9 år. 

«Det skjer ikkje barnet mitt»

Halvparten av norske tenåringar har blitt spurde om å dele nakenbilde, og fire av ti har fått nakenbilde av andre – ofte ukjende. Svært mange får også reklame for porno. Her finn du ein foreldreguide til korleis du kan ta nakenbildepraten.  (medietilsynet.no). 

Gratis seminar

I samband med den årlege «Safer Internet Day» 7. februar, legg Medietilsynet fram den siste rapporten om barn og mobilbruk på eit gratis digitalt seminar frå kl. 09.00 – 10. 30. Her kan du også få med deg innlegg og debatt om barn og personvern, tryggleik, rett til deltaking og privatliv. Meld deg på seminaret «Tidlig mobilbruk» her. Opptaket blir tilgjengeleg også i etterkant.  

Legge vekk mobilen litt oftare?

Mobilvettråd for oss alle

Kva for rollemodellar er eigentleg vi vaksne? Medievitar Magnus Hoem Iversen har doktorgrad i medievitskap og har skrive bok om sosiale media. Han delar sine fem beste mobilvettråd:

1. «Vit at vi mennesker ikke er så flinke til å gjøre to ting samtidig som vi tror. Det betyr i praksis at hver gang du tar opp telefonen, så slutter du egentlig med det du holder på med. Er du sikker på at du vil slutte å snakke med kompisen din? Bestemoren din? Er det greit å slutte å følge med på jobbmøtet nå, eller skoletimen? Hvis nei, la telefonen ligge.
2. Ikke sammenlign deg så mye med andre på sosiale medier. Det er naturlig å sammenligne seg, det kan til og med være inspirerende. Men på nett er det alltid noen som er penere, sterkere og rikere enn deg. Å sammenligne seg da føler ofte bare til dårlige følelser.
   
   
3. Ta grep for å unngå digitalt stress. Skru av pushvarsler og andre varslinger. Da blir telefonen din mindre masete, og du får mindre å sjekke til enhver tid.
   
   
4. Tenk over hva du bruker sosiale medier til. Det er bedre å bruke dem til kommunikasjon og underholdning, enn å stirre på andres liv og sammenligne seg med dem. Og hvis det å bruke sosiale medier gir deg dårlige følelser eller dårlig samvittighet, bør du revurdere måten du bruker dem på.
   
   
5. Ikke tenk at alt er opp til deg. Hvis løsningen alltid er at du må skjerpe deg ved å gå i skogen eller begynne å meditere, så slipper de store teknologiselskapene unna. Disse lager apper som skal friste oss til å bruke dem mest mulig. Krev også handling fra politikere, fra skoleverket og fra andre mektige aktører – det er lettere å lage regler og skape press mot selskapene når man er mange.» 

Frå artikkelen: «Gikk på mobilfri ungdomsskole – satt på do og scrollet» (02.02.23 nrk.no)

«Omegle» – kva for noko?

Omegle er ei nettsida som set saman tilfeldige brukarar, som kan snakke med kvarandre via tekst eller video. Tenesta er gratis og anonym, utan noka form for registrering eller aldersstadfesting. Difor kan ein vere uroa for tryggleiken til barn og unge her og liknande nettstadar. Les meir her: «Kva er Omegle og bør barna dine vere der?» (medietilsynet.no).

At det stadig dukkar opp noko nytt, er også ein grunn for å halde praten i gang med barn og unge om kva dei brukar mobilen til. Då har vi større sjanse til å hjelpe dei på vegen, og kanskje kan vi også bli meir medvitne mobilbrukarar?

Tekst: lena.jensen.glesnes@vlfk.no
Bilde heading: Andrea Piacquadio, Pexels
Bilde inni: Tatiana Syrikova, Pexels